Shkëlzen Berisha iu ka kërkuar ndjesë miqëve të tij për tejkalimin e shpejtësisë mbrëmjen e të shtunës te rrethrrotullimi në hyrje të autostradës Tiranë-Elbasan.
Ai ka reaguar përmes një postimi në rrjetet sociale, pas lajmit të publikuar për bllokimin e patentës. Shkëlzen Berisha mohon akuzat se ka kundërshtuar punonjësit e policisë, siç u tha nga mediat pranë qeverisë. Sipas tij, nëse do të ishte e vërtetë, do të kishte një padi nga ana e policisë për kundërshtim të saj gjatë ushtrimit të detyrës.
Postimi:
Të dashur miq se pari me duhet ta nis me nje ndjese per kalimin e shpejtësisë së lejuar sepse ajo kërcënon jetën e te gjithëve. Se dyti, ne lidhje me nje shpifje te shperndare sot nga media prane qeverise deshiroj te sqaroj se per asnje moment dhe ne asnje rrethane, asnje procedure ligjore apo punonjes i rendit nuk eshte kundershtuar nga une gjate ushtrimit te detyres.
Dokumenti i kerkuar ne zbatim te ligjit eshte dorezuar po ne zbatim te ligjit, pa asnje lloj debati, kundershtimi apo refuzimi. Nese do ishte ndryshe sot ne vend te shpifjeve te mediave prane qeverise do duhej te kishim nje padi nga ana e policise per kundershtim te saj gjate ushtrimit te detyres. Por ne vend te akuzes kemi shpifjen, sepse e para kerkon prova ndersa e dyta vetem leket e atyre qe e sponsorizojne.
