Sistemi zgjedhor, Yuri Kim takon deputetët e “opozitës së re”

Ambasadorja amerikane Yuri Kim ka thirrur në një takim deputetë të asaj që njihet si opozita parlamentare. Takimi do të mbahet në rezidencën e diplomates, ndërsa do të nisë në orën 10:00.

Takimi vjen disa orë pasi Këshilli Politik dakordësoi një marrëveshje me 12 pika për reformën zgjedhore, ndërsa në momentet e fundit mazhoranca u tërhoq nga depolitizimi i administratës zgjedhore, pika që mbante larg palët.

Ndërkohë që pritet që drafti të kalojë për miratim në Kuvend, deputetët e “opozitës parlamentare” kanë vënë si kusht ndryshimin e sistemit për dhënien e votës.

LEXO EDHE  U infektua me koronavirus/ Gazetari i njohur bën apelin e fortë: Mos lejohen dasmat në këtë kohë

Madje përmes një kërkese ata i janë drejtuar ambasadores amerikane për ndihmë, duke i kujtuar edhe propozimin për aplikimin danez zgjedhor.

Rudina Hajdari, një ditë më parë, tha se ka marrë garanci nga ambasada e SHBA dhe delegacioni i BE, se Këshilli Politik, do të vijojë diskutimet lidhur me çështjen e sistemit, megjithëse PD, PS dhe LSI nuk janë dakordësuar për ndryshimin e tij.