Paris Saint-Germain raportohet të ketë ofruar 60 milion euro për shërbimet e mesfushorit të Lazios Sergej Milinkovic-Savic.
Sipas “Le10sport”, serbi është një “përparësi” për drejtorin sportiv të PSG Leonardo gjatë merkatos së verës.
Sidoqoftë, media franceze raporton se klubi italian kërkon rreth 80-85 milionë euro për 25-vjeçarin ndërsa oferta e parë e francezëve është shumë e ulët.
Milinkovic-Savic u bashkua me Lazion në vitin 2015 dhe prej kohësh ka qenë i përfolur për një largim nga kryeqyteti Italian duke parë paraqitjet e mira të tij.
