Shoqata e Operatorëve Kombëtarë të Transportit ka bërë thirrje për protesta të mëdha në të gjithë vendin, në rast se kryeministri edi rama dhe qeveria e tij nuk zhbllokojnë transportin urban dhe interurban të bllokuar prej 3 muajsh për shkak të COVID 19.
Me anë të një njoftimi për mediat kjo shoqatë kqrkon një datë se kur do të nisë aktiviteti i tyre, pasi shumë njerëz kanë mbetur papunë.
Ndërkohë shoqata i kërkon qeverisë të marrë masat e menjëhershme ndryshe do të përballet me një protestë kombëtare të të gjithë operatorëve interurbanë.
Njoftimi i Shoqata e Operatorëve Kombëtarë të Transportit:
‘Të nderuar miq të medias,
Shoqata jonë, përfaqësuese e operatorëve kombëtarë të Transportit të udhëtarëve, kërkon t’ju bëjë me dije lidhur me situatën aktuale të aktivitetit të Transportit si një prej sektorëve më të rëndësishëm në ekonominë tonë kombëtare.
Përpjekjet tona kanë ndjekur njëra-tjetrën.
Hapi yni i rradhës, është shkresa zyrtare e fundit dërguar Kryeministrit Rama dhe ministrave përkatës, lidhur me qëndrimet tona sa i përket funksionimit të sektorit tonë post Covid-19! Aktiviteti ynë vazhdon i pezulluar nga masat e Covid-19, duke mos patur në të kaluarën e mos marrë mbështetje nga shteti në asnjë formë suporti, përveç të vetmes ‘pagë-lufte’, kur sapo u mbushën 3 muaj pa asnjë aktivitet. Ndërkohë në emisionin Opinion TV Klan të datës 04/06, kryeministri Rama deklaron se çdo aktivitet është hapur.
Kërkojmë dashamirësisht pasqyrimin nga ju të kërkesave tona, që ky biznes të mund të ketë një frymëmarje në këtë situatë e moment tepër të vështirë, ku vijmë nga një e kaluar të lënë të braktisur dhe harruar nga strukturat kompetente shtetërore, përballë konkurencës së pandershme e të paligjshme me flotat informale e jo vetëm.
E ardhmja e aktivitetit tonë duket e zymtë.
Ne kërkojmë të fillojmë aktivitetin e të vazhdojmë me korrektësi punën tonë në shërbim të qytetarëve shqiptarë, me shpresën se me të njëjtën korrektësi e standart, do t’na përgjigjen strukturat e shtetit të së drejtes në TE DREJTEN tonë!
Në rast se kërkesat tona do të injorohen, ne do të jemi të detyruar të përshkallezojmë qëndrimet tona në nivel kombëtar.’
Ju faleminderit paraprakisht.
Me shume respekt;
Drejtuesit e shoqates se trasportit te udhetareve:
Dashnor Memaj – Eneo Sulejmanaj.
