Lëvizja Për Universitetin bën apel për bojkotim të tarifës shkollore për këtë vit.
Gjithashtu ka nisur dhe një peticion drejtuar Ministrisë së Arsimit, Sportit dhe Rinisë ku kërkohet anulimi i tarifave për vitin akademik 2019-2020.
“Sikur asgjë të mos kishte ndodhur gjatë emergjencës shëndetësore dhe mësimit online, fakultetet po detyrojnë studentët të paguajnë tarifat duke i kërcënuar se në të kundërt do ndëshkohen me mospjesëmarrje në provime. Ky vit akademik nxori në pah gjithë problematikat e grumbulluara ndër vite në universitet si pasojë e ligjit për arsimin e lartë: tregtarizimin e dijes, zhdukjen e demokracisë dhe diskriminimin e theksuar ekonomik dhe kulturor ndaj shumësisë së studentëve. Në të tilla kushte, të gjendur përballë presionit të qeverisë dhe burokracisë universitare, organizimi mes vetes është nevojshmëri kategorike. Tarifat duhen bojkotuar! Për Universitetin! Për Shoqërinë”, shkruan Lëvizja Për Universitetin në një postim në rrjetet sociale.
