Deputeti Selami Jenishehri tërhoqi vëmendjen ditët e fundit, jo se pati ndonjë aktivitet parlamentar apo politik, por për modelin e flokëve.
Me flokët kapelon dhe baluket e ndara në mes, Jenishehri tërhoqi vëmendjen në një seancë parlamentare.
Por duket se deputeti bën një jetë më se normale dhe nuk lëviz me mjete luksoze, ashtu si shumica e deputetëve të Parlamentit, por me biçikletë.
Biçikleta e deputetit është ngjyrë rozë ose pink, me një kosh përpara, ndërsa bie në sy që madhësia e saj nuk është e duhura për deputetin, pasi duket si një biçikletë për fëmijë.
Çantën me dokumente deputeti e mban në dorën e majtë, pasi duket se koshi i biçikletës nuk e mban.