Shefi i Stacionit Policor Fushë Arrëz, Izmir Duraku, është ndaluar mbrëmjen e sotme nga SHÇBA, pasi akuzohet për marrëdhënie seksuale me dhunë.
Ndalimi i tij është bërë nga drejtoria e Hetimit e SHÇBA-së, në bashkëpunim me Prokurorinë e Rrethit Gjyqësor Shkodër.
Ngjarja dyshohet se ka ndodhur në vitin 2015, por është kallëzuar së fundmi nga vajza, në prani të një psikologu.
Sipas policisë, bazuar në provat e mbledhura, ka dyshime të forta se në muajin prill 2015, ajo është ngacmuar seksualisht nga një punonjës policie në ambientet e Komisariatit të Policisë Shkodër, kur efektivi ishte me detyre Specialist i Hetimit te Krimeve ne DVP Shkodër. Shtetasja kishte shkuar për të denoncuar për përdhunimin që i kishin bërë disa persona në2015, punonjës të shtëpisë së fëmijës ne Shkodër.
Mësohet se Duraku është përjashtuar nga rradhët e policisë ditën e sotme, pas ndalimit nga SHÇBA.
Ky është skandali i dytë seksual brenda pak ditëve, pas ngjarjes në Barru, ku një 15-vjeçare përmes shantazhit ishte abuzuar nga drejtoi i shkollës ku mësonte, si dhe disa të rinj të tjerë.
