Banorët e lagjes “Skënderbeg” në Lezhë kanë dalë sot në protestë, pasi ankohen për probleme që sjell impianti i asgjësimit të mbetjeve shtazore, të ngritur në këtë zonë.
Banorët shprehen se aroma e çliruar nga procesi teknologjik është e padurueshme, duke sjellë problem në të gjithë zonën. Ata pretendojnë gjithashtu se teknologjia e vendosur në ketë impiant nuk i përshtatet zonave të banuara dhe është në kundërshtim me normat që mbrojnë ndotjen e ajrit.
“Është e padurueshme, 24 orë. Kemi shkuar tek Inspektorati i Mjedisit dhe kanë refuzuar të vijnë. Teknologjia që është këtu nuk përputhet me legjislacion, teknologji që vjen nga shtetet lindore” thotë një nga banorët për mediat
Banorët e lagjes “Skënderbeg” kërkojnë që t’i jepet fund kësaj situate dhe institucionet të ndërhyjnë sepse e kanë anashkaluar këtë problematikë në mënyrë të përsëritur. Në të kundërt banorët kanë deklaruar se do të këtë përshkallëzim të protestave.
