Pragndeshja me Tiranën, dalin përgjigjet e testeve për Covid-19 për lojtarët e Bylisit

Ditën e djeshme u bë e ditur se mesfushori i Bylisit, Eridon Qardaku ishte infektuar me coronavirus dhe për pasojë ndeshja e sotme e skuadrës ballshiote kundër Tiranës u vu në rrezik.

Për të hequr të gjitha dyshimet, një ditë më parë, të gjithë lojtarët dhe stafi, sikurse edhe punëtorët e hotelit ku ata qëndrojnë në Ballsh, kanë bërë tamponët. Vetë Bylisi njofton se përgjigjet e të gjithëve kanë dalë negative dhe e kanë kthyer vëmendjen te ndeshja me Tiranën.

LEXO EDHE  E konfirmon drejtori sportiv, Tirana në garë për talentin e Prishtinës

“Analizat e bëra nga skuadra dhe stafi kanë rezultuar negative! Duke pritur që edhe testi i dytë i Qardakut të dalë përgjigje negative, me mendjen te Tirana dhe ndeshjet e radhës”, njofton klubi i Bylisit, ndërkohë që përballja me bardheblutë është programuar të zhvillohet prej orës 17:00.- thuhet në njoftimin e bërë nga skuadra e Bylisit.