Bartomeu e tepron me kërkesat e tij, lojtarët e Barcelonës i dalin kundër

Presidenti i klubit të Barcelonës, Josep Bartomeu, u ka kërkuar lojtarëve të skuadrës për të shkurtuar edhe më tej pagat e tyre.

Futbollistët e klubit spanjoll gjatë muajit Mars vendosën të shkurtonin me 70% pagat e tyre deri në përfundim të sezonit për shkak të krizës financiare që ka shkaktuar pandemia e coronavirusit. Por mesa duket kjo nuk është e mjaftueshme për të shmangur vështirësitë që po has klubi.

Sipas Diario AS, Bartomeu, e ka bërë këtë kërkesë gjatë një vizite në komplekset e stërvitjes të Barcelonës në fund të muajit të kaluar.

LEXO EDHE  Presidenti i Federatës së Kosovës në telashe, UEFA kërkon dorëheqjen e tij

Raportohet se lojtarët e gjigantit spanjoll nuk janë aspak dakord me këtë ide dhe se fokusi i tyre është në përfundimin e sezonit në mënyrën më të mirë të mundshme pa u ndikuar nga temat financiare që sipas tyre janë mbyllur në marrëveshjen e fundit ndërmjet palëve.