Antëtarët e Këshillit Politik për Reformën Zgjedhore i janë rikthyer takimeve me ambasadoren amerikane Yuri Kim, atë të BE-së, Luigi Soreca, ambasadorin britanik Duncan Norman, si dhe një përfaqësues të OSBE-së.
Takimet vijojnë pasi palët nuk arritën konsensusin brenda 31 majit për miratimin e një drafti natyral. Ambasadorja e SHBA Yuri Kim, ambasadori i BE Soreca dhe ai britanik Duncan Norman kanë nisur një takim me 4 anëtarët e Këshillit Politik, ndërsa nuk dihet nëse angazhimi i tyre do të prodhojë një rezultat pozitiv.
PD ka kërkuar dje mbledhjen e Këshillit Politik pasditen e sotme. Ndërsa janë dakordësuar për disa nga çështjet, palët politikeduket se kanë ngecur në përdorimin e teknologjisë në zgjedhje, qeverinë tranzitore dhe trajtimin e ankesave.
