Një person mbeti i plagosur dhe disa të tjerë janë lënduar si pasojë e një aksidenti masiv që ndodhi mbrëmjen e së martës në Unazën e Shkozetit.
Në aksident janë përfshirë tre automjete. I plagosuri është transportuar drejt spitalit të Durrësit, ndërsa disa persona të tjerë kanë marrë dëmtime të lehta.
Ndërkohë, në vendin e ngjarjes ndodhet policia dhe ka nisur hetimet për zbardhjen e plotë të shkaqeve.
