Partizani luan mbrëmjen e nesërme ndeshjen parë që pas pezullimit të Superiores në muajin mars. Përballë do të kenë Skënderbeun, një kundërshtar direkt për një vend në Europë.
Në prag të kësaj sfidë ka dalë në konferencë për shtyp trajneri i “Të Kuqve”, Adolfo Sormani.
Tekniku italian ka bërë të ditur se objektivi i Partizanit deri në fundin e sezonit është të sigurojë një vend në kompeticionet evropiane. Sormani gjithashtu ka thënë se Tirana e humb titullin vetëm nëse “u bie të fikët”.
Ndeshja me Skënderbeun- Sipas meje ndeshjet nuk do të kenë një intenistet të lartë. Do të ketë edhe momente të ndezura, por edhe momente të një qetësie të madhe sepse e sigurt është se lojtarët nuk kanë një ritëm të madh. Do të jetë një ndeshje me rivalitet, por përveç kësaj duhet parë me kohën se çfarë do të ndodhë.
Kalendari jo favorizues i Partizanit- Problem nuk është kalendari pasi të duhet të luash kundër të gjithëve. Problem është si sillesh në ndeshje, mendoj se varet shumë nga ne dhe jo nga takimet me kundërshtarët që do të kemi.
Objektivi i Partizanit- Objektivi i skuadrës është të arrijmë Europën, ky është minimumi që duhet të arrijmë. Duhet të bëjmë më të mirën për ta arritur.
Titulli, mision i pamundur? Vetëm nëse Tiranës i bien të fikët. Është e qartë se Kukësi është afër dhe në këtë sens është i hapur dhe në dhjetë ndeshje, janë 30 pikë që nuk janë pak. Në këtë sens duhet parë reagimi i Kukësit”.Në këtë pikë, merr më shumë rëndësi fati? “Nuk e di nëse është çështje fati, por e sigurt është se dëmtimet kanë të bëjnë me fatin. Nëse duam të shohim kampionatin gjerman që është i pari që rifilloi, numri i dëmtimeve është i lartë dhe nuk mund të bëjmë sikur nuk do të ketë dëmtime dhe numri do jetë i lartë. Duhet të jemi me fat!
