Superliga shqiptare rikthehet ditën e nesërme me pesë sfida të vlefshme për javën e 27-të. Sfida kryesore e javës është Partizani-Skënderbeu e cila luhet nesër në orën 20:00.
Ndeshja do të luhet në kryeqytet në stadiumin “Selman Stërmasi” ndërsa përballen vendasit që renditen të gjashtët ndërsa korçarët numërojnë 3 pikë më shumë dhe renditen të katërtët. Një sfidë kjo e drejtpërdrejtë për një vend në kompeticionet europiane aty ku Partizani ndahet nga Kukësi i vendit të dytë nga gjashtë pikë ndërsa vendi i tretë që mbahet nga Laçi është vetëm 3 pikë larg.
Përpara kësaj sfide, “Demat” kanë një mungesë të rëndësishme që është ajo e William Cordeiros i cili është i skualifikuar, ndërkohë që Trashi është plotësisht i gatshëm, teksa Britri mund të mbulojë rolin e mbrojtësit të djathtë.
Për kundërshtarët shqetësimi i vetëm është mungesa e të pezulluarit Meksi. Tekniku Daja ka gjasa të spostojë Jashanicën në të djathtë, me Pëllumbin e Pollozhanin në qëndër. Bruno Dita do të vijojë të luajë në pozicionin e tij natyral në mesfushë ndërsa pjesa ofenisive e ka një lider që është Dejvi Bregu, pranë vlonjatit janë Krasniqi e Gripshi.
