Ka përfunduar hetimi për Sinan Idrizin, aksionerin e “Air Albania”, i cili dyshohet për mashtrim kundrejt biznesmenit turk, Adnan Polat, ish-president i Galatasaray. Sipas aktakuzës të ngritur nga Prokuroria e Stambollit, Idrizi rrezikon deri në 10 vite burg.
Adnan Polat, Kryetari i Bordit të “Grupit Polat”, ish-Presidenti i klubit të mirënjohur Galatasaray, paraqiti një kallëzim penal në Zyrën e Prokurorit Publik të Stambollit, duke pretenduar se ai ishte mashtruar nga ortaku i “Air Albania Airline” dhe menaxheri i Flamurtari, një nga ekipet shqiptare të Super League.
Në aktakuzën e përgatitur nga Zyra e Prokurorit Publik të Stambollit, Adnan Polat mori pjesë si ‘paditës’ dhe Sinan Idrizi ‘i paditur’.
Në aktakuzë, e cila u paraqit në prokurori nga avokati i klientit Adnan Polat, i dyshuari Sinan Idrizi, shtetas shqiptar, u krijua përmes Global Fludius International (GFI) dhe Petroleum Consulting Partners (PCP), të cilët drejtojnë biznesin e markimit të naftës në Shqipëri.
Në aktakuzën e Polat thuhet ndër të tjera se, biznesmeni turk i ka bërë një parapagim prej 3,5 milionë dollarësh, e cila do të mbahej në një llogari bankare ndërkombëtare.
Në aktakuzë, thuhet gjithashtu se, Adnan Polat dhe Sinan Idrizi janë takuar në Shqipëri në 3 nëntor 2016, ku kanë diskutuar me Kryeministrin shqiptar, ku morën pëlqimin dhe mbështetjen e tij.
Më 24 nëntor 2016 u nëshkrua ‘Marrëveshjes e Karzit’ pas të cilës në llogarinë e Idrizit kaluan edhe 3,5 milionë dollarët.
Sipas asaj që është depozituar në prokurorinë e Stambolli, i dyshuari (Sinan Idrizi) ka mashtruar duke përdorur emrin e Kryeministrit shqiptar, por marrëveshja më pas nuk u respektua, ndërsa ai nuk i ka kthyer paratë.
Në aktakuzë, i dyshuari Sinan Idrizi dëshironte që kompania me emrin GFI në Shqipëri të menaxhohej nga një kompani turke, ndërsa kërkonte që 20% të parave të paguheshin paraprakisht, se ai ishte garantuesi midis dy grupeve.
“Ne kemi pritur me durim deri më tani. Megjithatë, përballë kësaj situate që kam hasur për herë të parë në jetën time të biznesit, vendosa ta transferoj çështjen në drejtësinë turke,” tha ai./Syri/
DENONCO