Kosova është tërhequr nga taksimi i kamionëve që kalojnë kufirin. Ministria e Brendshme e Kosovës njoftoi se kjo taksë ishte për dezifektim në kohë pandemie për të luftuar Covid19, por nga ky moment nuk ka më nevojë për marrjes e kësaj mase.
“Pezullohet kontrata për dezinfektimin e mauneve që vijnë në Republikën e Kosovës. Dezinfektimi i kamionëve parashihej në kuadër të masave për luftimin e pandemisë së COVID-19.
Nga ky moment importuesit nuk kanë nevojë t’i dezinfektojnë maunet në pikat kufitare”, thuhet në njoftim e Ministrisë së Brendshme të Kosovës.
Kamionët që kanë kaluar sot nga Shqipëria drejt Kosovës janë taksuar me një tarifë në bazë të peshës së secilit prej tyre.
Çmimet për njësi sipas peshës së mjeteve të rënda
-Nga 3.5 ton deri në 7 ton është 17 euro
-Nga 7.5 ton deri në 19 ton është 19 euro
-Mbi 12 ton është 22 euro
Pagesa thuhet në njoftimin e shpërndarë në pikat kufitare do të bëhet nga personi juridik ose fizik në momentin e hyrjes në territorin e Kosovës, ndërsa duhet të pajiset me një letër që dëshmon se është dezinfektuar.
