Presidenti Ilir Meta kërkon angazhimin e agjensive ligjzbatuese, SHISH, prokurorisë dhe policisë në luftën kundër drogës.
“Përqendrimi i Policisë së Shtetit, Shërbimit Informativ Shtetëror, Prokurorisë dhe agjencive ligjzbatuese në luftën kundër kanabisit është i domosdoshëm”, shkruan Meta në rrjetet sociale.
Referuar raportit vjetor të Qendrës Europiane të Drogave i publikuar së fundmi, Meta thekson se ai është një këmbanë e fortë alarmi që duhet të zgjojë dhe t’i bashkojë të gjitha forcat e përpjekjet për të mos lejuar kurrë më përsëritjen e këtij fenomeni kanceroz për shoqërinë, që aq shumë e ka dëmtuar imazhin e Shqipërisë.
“Lufta kundër kanabisit është kusht për integrimin europian dhe çdo neglizhencë në këtë drejtim do kishte pasoja tepër të rënda për të ardhmen e vendit”, shkruan Meta.
