Kallëzohet në SPAK anëtarja e KPK, akuzohet për “fallsifikim të dokumenteve”/ FOTO

Alma Vokopola (Faskaj), komisionere në KPK, është kallëzuar penalisht në SPAK nga ish-gjyqtarja Hajrie Muçmata, e shkarkuar gjatë procesit të Vetting.

Sipas Muçmatas, Fasko është kallëzuar si e dyshuar për kryerjen e veprës penale të “Fallsifikimit të Dokumentave” parashikuar nga neni 186 i Kodit Penal.

Kallëzuesja ka kërkuar njëkohësisht dhe pezullimin e Alma Faskajt nga detyra si Komisionere nga KPK.

Kallëzimi në SPAK është bërë referuar shkresës nr. 2056/1 prot dt. 07.05.2020 të Këshillit të Lartë Gjyqësor, ku rezulton se anëtarja e KPK të jetë shkarkuar nga KLD me vendimin nr.08.dt. 23.08.1996.

LEXO EDHE  Skandali/ Veliaj shpall tenderin për Teatrin Kombëtar dy muaj pasi rrënoi godinën historike

Rasti duket i ngjashëm me atë të anëtarit të KPA-së, Luan Daci, ndaj të cilit SPAK nisi hetimet ndërsa Gjykata Speciale vendosi pezullimin nga detyra.

Sipas kallzueses, referuar nenit 150 të ligjit nr. 96/2016 “Për statusin e Gjyqtarëve dhe Prokurorëve”, masa e shkarkimit nga detyra nuk shuhet dhe nuk fshihet.