Prokuroria e Beratit ka apeluar vendimin e dhënë disa ditë më parë nga Gjykata për dy zyrtarët e bashkisë, Poli Ikonomi dhe Llazar Hoxholli, të cilët u lanë në “detyrim paraqitje”, ndërsa ishin arrestuar për vdekjen e një 5-vjeçari.
Prokuroria ka apeluar vendimin, duke kërkuar rikthimin në burg të dy zyrtarëve.
Poli Ikonomi dhe Llazar Hoxholli u akuzuan për ‘shpërdorim detyre’,bazuar në Nenin 248 të Kodit të Procedurës Penale, ndërkohë që edhe 4 elektricistë të bashkisë po procedohen në gjendje të lirë për të njëjtën vepër penale.
Ngjarja e rëndë ndodhi në 22 Maj në parkun e qytetit të Beratit, ku një 5-vjeçar gjeti vdekjen duke luajtur në tunelin me drita, pjesë e dekorit të bashkisë për festat e fundvitit.
