Sulmuesi i Kukësit, Vasil Shkurtaj, këtë sezon po shkëlqen me skuadrën verilindore duke ngjallur kështu interesin e shumë skuadrave.
Në përfundim të këtij sezoni sulmuesi do të largohet nga Kukësi dhe preferenca e tij është që të provojë veten jashtë Shqipërisë. Duke folur për Supersport mbi interesin që kanë shfaqur dy skuadrat e kryeqytetit, Partizani dhe Tirana, ai është shprehur se është një nder për atë kërkohet nga këto dy emra të mëdha të futbollit shqiptar.
Interesi i Partizanit dhe Tiranës për Shkurtajn? “Dëshira ime është të luaj jashtë vitin tjetër. Është nder që ekipe si Partizani e Tirana janë interesuar për mua, por fjalën e parë dhe të fundit për mua për momentin e ka Kukësi.
Portieri më i mirë për kohën që kam qenë në Shqipëri pa dyshim që është Alban Hoxha, që për sa kohë e kam pasur përballë ka qenë super. Për lojtarin më të mirë nuk mund të zgjedh një, pasi jam përballur me lojtarë shumë të mirë, por ai që ma ka vështirësuar më shumë punën këtë sezon ka qenë Rustem Hoxha i Teutës.
Sezoni aktual me Kukësin- “Besoj shumë te kampionati. Deri në momentin që matematikisht nuk ka mbaruar asgjë duhet të luftojmë deri në fund. Kemi një ekip shumë të mirë dhe do bëjmë maksimumin, kemi besim se do u marrim maksimumin atyre 10 ndeshjeve.”
