“Mbani premtimin për konsensus”/ Meta: Zgjedhorja, Presidenti të zgjidhet nga populli

Presidenti Ilir Meta i ka drejtuar një apel politikës që të mbajë premtimin e tyre për konsensusin lidhur me reformën zgjedhore.

“Sot të gjithë presin nga palët të mbajnë premtimin e tyre për konsensus. Jo vetëm kaq, pasi edhe kjo është shumë pak”, shkruan Meta.

Në vijim, ai apelon që palët të mos kenë më frikë nga vota e lirë dhe e barabartë e qytetarëve të vendit dhe t’u japin mundësi të shprehen, jo vetëm për partitë, por edhe për deputetët që këta të mos heshtin më në Parlament e të vazhdojnë të ngrenë duart për ligje e politika që shtojnë varfërinë në vend.

LEXO EDHE  ‘Ka kaluar nga vdekja në jetë’/ Zbardhet ‘Ditari’ i motrave Josifi, ja çfarë shkruhej në të

Në këtë kuadër, Meta shprehet se deputetët nuk duhet të favorizojnë vetëm një grusht oligarkësh dhe politikanësh që kurrë s’duan të japin llogari dhe të mbajnë përgjegjësi.

“Dhe për të dhënë shembullin i pari ju ftoj të vendosni edhe zgjedhjen e Presidentit nga populli, që në këtë vend Presidenti të mos këtë më detyrime ndaj asnjë partie, por vetëm ndaj Kushtetutës, qytetarëve dhe Republikës”, shkruan Meta.