Eksperti i shëndetit publik, doktor Erion Dasho, përmes një postimi në rrjetet sociale, shprehet se ndërsa numri i rasteve ditore në botë sa vjen e rritet, numri i vdekjeve sa vjen e ulet. Sipas tij, kjo tregon qartazi virulenca e COVID-19 është në rënie të vazhdueshme dhe të qëndrueshme.
“Duke qënë se ka shumë faktorë që ndikojnë në përhapjen dhe vdekshmërinë nga COVID, kjo është thjesht një indicije në kuadrin e shumë të tjerave (gjithashtu pozitive). Shpresoj që këto lajme të vazhdojnë dhe, mbi të gjitha, të konfirmohen edhe nga puna kërkimore dhe zbulimet shkencore”, shkruan Dasho.
Në vijim ai shprehet se “beson që për dy apo tre javë do të marrim lajmin e mirë që presim të gjithë prej kohësh, një verë pa koronavirus”.
Postimi nga Erion Dasho
Grafiku më interesant dhe më shpresëdhënës lidhur me epideminë nga COVID-19 është ky në vijim. Ndërsa numri i rasteve ditore në botë sa vjen e rritet, numri i vdekjeve sa vjen e ulet. Qartazi virulenca e COVID-19 është në rënie të vazhdueshme dhe të qëndrueshme.
Duke qënë se ka shumë faktorë që ndikojnë në përhapjen dhe vdekshmërinë nga COVID, kjo është thjesht një indicije në kuadrin e shumë të tjerave (gjithashtu pozitive). Shpresoj që këto lajme të vazhdojnë dhe, mbi të gjtha, të konfirmohen edhe nga puna kërkimore dhe zbulimet shkencore.
BESOJ PËR DY OSE TRE JAVË DO TË MARRIM LAJMIN E MIRË QË PRESIM TË GJITHË PREJ KOHËSH!!!
Deri atëherë, kujdesi për të mbrojtur nga ekspozimi personat mbi 65 vjeç dhe ata të prekur nga sëmundje kronike nuk duhet të ndërpritet. Vëmendje e veçantë edhe për parandalimin e transmetimit të SARS-CoV-2 në strukturat shëndetësore.
Gjithmonë e më tepër shpresë për një verë pa COVID!
