Bayerni nuk njeh rivalë në Bundesliga, Lewandowski rekordmen i Europës

Bayern Munich ka marrë fitoren e radhës bindëse në Bundesliga.

Bavarezët kanë mundur 5-0 Dusseldorf-in në javën e 29-të të Bundesliga-s dhe kanë bërë një hap tjetër drejt titullit, duke parë se  tani kryesojnë renditjen me një avantazh prej 10 pikësh ndaj Dortmund-it kur kanë mbetur edhe pesë ndeshje nga fundi. Verdhezinjtë kanë një ndeshje më pak.

Ka qenë gjithçka e lehtë për skuadrën e Flick që ka siguruar tri pikët me 3 golat e shënuar në pjesën e parë dhe dy golat e realizuar në fillimin e së dytës.

LEXO EDHE  James Rodriguez i thotë lamtumirë Real-it, e ardhmja e mesfushorit në Angli

Protagonisti i ndeshjes ka qenë Robert Lewandowski, autor i një dygolëshi që e bën atë golashënuesin më të mirë në pesë kampionatet kryesore të Europës me 29 realizime.

Polaku ka realizuar 43 gola në të ndeshjet e këtij sezoni të luajtura në të gjitha kompeticionet, duke barazuar ecurinë e tij më të mirë.