Në 24 orët e fundit janë zbuluar 4 raste të reja me koronavirus në Lushnje, si dhe dy mjekë në një qendër shëndetësore në Tiranë. Bëhet fjalë për qendrën shëndetësore të specialiteve nr 9 në Tiranë, ku dyshohet se mjekët mund të jenë infektuar nga pacientë.
Referuar të dhënave bëhet fjalë për 4 pacientë, 2 prej të cilëve janë anëtarë të së njëjtës familjeje dhe dy të tjerët i përkasin dy familjeve të ndryshme.
Familjarët në Lushnje dyshohet se është infektuar nga vajza, e cila ka udhëtuar nga Tirana drejt familjes në Lushnje.
Hetimi epidemiologjik po vijon me kontaktet e rrethit të parë dhe të dytë të personave të prekur.
Më herët u njoftua për zbulimin e 1 rasti me koronavirus në Sarandë, ku pozitive rezultoi një shtetase ukrahinase, e cila kishte shkuar nga Tirana si turiste.
Ndërkohë 6 raste janë regjistruar në Rukaj të Matit, ku pacientët me Covid-19 janë infektuar nga një e afërmja e tyre, e cila ishte shtruar më parë në QSUT. Gjithashtu një rast është konfirmuar në fshatin Krajk në Bulqizë.
Në 72 orët e fundit, raportoheshin raste me Covid-19 vetëm në Tiranë, duke krijuar idenë se kryeqyteti ishte vatra më e rrezzikshme pas heqjes së masave kufizuese.
