Presidenti Ilir Meta deklaroi sot se përpjekjet e tij për të bashkuar vendin në procesin e Integrimit janë minuar. Në një konferencë për mediat, ai tha se tashmë do të kalojë më pak kohë me Tiranën politike dhe do i përkushtohet Shqipërisë së qytetarëve.
“Pas furtunës që u ngrit javën e kaluar kam bërë transparente përpjekjet e mia për integrimin e Shqipërisë.
Përpjekjet e mia që ky moment ta gjente vendin më të bashkuar u minua. Unë do të kaloj më pak kohë me Tiranën politike dhe do i përkushtohem Shqipërisë së qytetarëve”, tha Meta.
Lidhur me caktimin e zgjedhjeve të ardhshme, Meta u shpreh se do të caktojë datën pa u konsultuar më parë me partitë politike.
“Do e caktoj datën pa u konsultuar pastaj kush të dojë le të futet në zgjedhje. Unë do të inkurajoj gjithkënd të kandidojë për të përfaqësuar popullin që sot ka mbetur rrugëve.
Si President do t´i kërkoj organizmave ndërkombëtare, mediave dhe çdo organizate tjetër që të monitorojë procesin”, tha Meta.
Në konferencën e tij, Kreu i Shtetit ka theksuar se kudo të jetë në momentin që palët bien në konsensus ai do të vijë dhe do të firmosë kodin e ri zgjedhor.
”Ju keni shqetësimin se çfarë ndodh me Kodin Zgjedhor. Duke qenë se unë jami parashikueshëm. Siç ju kam thënë vjet këtu, që nëse nuk bëhen zgjedhje lokale, Shqipëria ngel në klasë në tetor, merr në qafë Maqedoninë e Veriut, se është kriteri i Kopenhagenit, se ato ekzistojnë në Bruksel. Dhe u rritën kushtet.
Tani tek Kodi. Unë besoj shumë, jam shumë i entuziazmuar, cicërimat që ka progress për Këshillin Politik. Ta duartrokisni këtë Do e firmos atë konsensus menjëherë. E zëmë se palët nuk ranë dakord. Unë do shikoj nëse është në përputhje me kushtetutën, të njëanshme, kam në dorë ta kthej një herë. Në çdo rast me consensus, sepse këtu ka shumë. Në hapësirën kohore që Kodi do më lejojë me konsensus apo jo, do shpall ditën e ardhshme të zgjedhjeve të përgjithshme, sepse të gjithë presin këtë, por edhe sado pak më legjitim një parlament se sa ky që është.
Nëse Kodi Zgjedhor nuk miratohet me konsesus, 0 çeljesh negociata me BE. Jo deri në zgjedhjet që vijnë por edhe pas zgjedhjeve që vijnë. Përgjegjësia do jetë e atyre që. Kush të dojë të hyjë në zgjedhje, kush të dojë le mos hyjë në zgjedhje”, është shprehur Meta.
