Kalendari i Serie A, gjithçka rifillon me sfidat e prapambetura

Vendimi më i rëndësishëm, ai për rifillimin e kampionatit, erdhi ditën e djeshme, ndërsa sot Këshilli dhe Asambleja e Lega Calcio kanë caktuar që do të niset më 13-14-17 qershor me ndeshjet e Kupës së Italisë dhe më pas, më 20 qershor, me katër ndeshjet e prapambetura të javës së 25-të, (Atalanta-Sassuolo, Inter-Sampdoria, Torin-Parma dhe Verona-Cagliari) ndërsa më 23-24 qershor do të luhet java e 27-të.

LEXO EDHE  Xavi vulos të ardhmen e Frenkie de Jong te Barcelona

Me kalendarin e organizuar, është diskutuar dhe për oraret e ndeshjeve, ndërsa si opsione janë paraqitur ora 17:15, 19:30 dhe 21:45. Por lojtarët duan ta shmangin orarin e parë, atë të pasdites, duke qenë se në verë temperaturat do të jenë të larta.