6 raste të reja me COVID-19 në Mat, janë kontakte e të moshuarës të shtruar në Tiranë

Është rikthyer koronavirusi në Mat, pasi burime bëjnë me dije se janë zbuluar 6 raste të reja pozitive me COVID-19 në Njësinë Administrative Rukaj.

Mësohet se rastet e reja janë persona kontakti i të moshuarës që ndodhet në spital në Tiranë, e cila rezultoi pozitive 2 ditë më parë. Nisur nga kjo, janë marrë ditën e djeshme 10 tamponë për analiza, nga të cilat 6 kanë rezultuar pozitivë.

LEXO EDHE  “Covid-19 po prek moshat e reja”, apeli i Kalos: Zbatoni këto këshilla

Mësohet se të 6 rastet e reja janë pa simptoma dhe kanë marrë udhëzimet e nevojshme nga personeli shëndetësor.

Po ashtu, vazhdon hetimi epidemiologjik duke gjurmuar kontaktet e dy familjeve që janë infektuar me Covid-19.