Zyrtare, përcaktohet data e rinisjes së Serie A

Qeveria italiane ka lejuar që Serie A të rifillojë më 20 qershor, pas një pushimi prej më shumë se tre muajsh, në mes të pandemisë së koronavirusit të ri.

“Takimi ishte shumë produktiv”, tha ministri i Sportit, Vincenzo Spadafora, pas një konferencë telefonike me federatën vendase FIGC dhe Lega Serie A.

LEXO EDHE  Nisin rinovimet tek Interi, zikaltërit pranë rinovimit me veteranin e skuadrës

“Italia po rifillon veprimtarinë dhe është e drejtë që të rifillojë edhe futbolli. Serie A do të nisë më 20 qershor”, shtoi ai.

Pjesa e mbetur e sezonit 2019-20 përfshin 12 ditë ndeshje, katër ndeshje të riplanifikuara nga fundi i shkurtit, dy gjysmëfinale të Kupës së Italisë dhe finalen e turneut.