Plani i Formulës 1 për reduktimin e buxhetit të skuadrave, është aprovuar nga organi drejtues i sportit FIA.
Ndryshimet në rregulloren sportive, teknike dhe financiare u kaluan me votim elektronik në mbledhjen e këshillit botëror të motorsporteve të mërkurën. F1 më parë kishte rënë dakord për të prezantuar një shkurtin buxhetor për sezonin 2021, por këto masa të reja shkojnë më tej, duke pasur parasysh edhe efektet që ka shkaktuar pandemia e coronavirusit.
Në thelb, kjo rregullore e re vjen për të rritur rivalitetin në F1, pasi i jep skuadrave të vogla dhe të mesme, një mundësi më të mirë për të rivalizuar Mercedesin, Ferrarin dhe Red Bulli-n ku diferenca e parave totale që një skuderi duhet të shpenzojë brenda një viti reduktohet disi.
Kapitali maksimal që një skuadër mund të shpenzonte për një sezon ishte 175 milionë dollarë ndërsa kjo shifër është ulur në 145 milionë.
ICYMI: The @FIA World Motor Sport Council approved changes to #F1 rules for the 2020, 2021 and 2022 season
— Formula 1 (@F1) May 28, 2020
