Deputetja Rudina Hajdari tha në seancë plenare se me shembjen e Teatrit Kombëtar u bë një tentativë për vrasje.
“Ndërhytë në orën 4 të mëngjesit në mënyrë brutale për të shembur Teatrin, kush ishin ato që dhanë urdhërat për atë ndërhyrje barbare”, tha Hajdari.
Sipas saj, Kryeministri Edi Rama e shembi teatrin pasi i duhej ai trualli atje.
“Rrafshimi i Tiranës nga ndërtesat e vjetra është fakt, je shndërruar në një Nicola Gruevski që rrafshoi qendrën e Shkupit. Betonizimi i Tiranës është fakt.
Nëse Teatri do të ishte në një tjetër vend, nuk do të prekej Teatri, por ti e shembe se të duhej ai truall.
Do të kesh fatin e Gruevskit dhe mbaje mend”, tha Hajdari.
