Kryemadhi tregon faturat e supermarketit: Ja si Veliaj vodhi 161 mijë euro nga fukarenjtë!

Kryetarja e Lëvizjes Socialiste për Integrim, Monika Kryemadhi akuzoi kryetarin e Bashkisë së Tiranës se ka vjedhur me ndihmat për qytetarët në nevojë.

Teksa u ndal te ndihmat që bashkia e Tiranës shpërndau për personat në nevojë në kohën e pandemisë, për të cilat kishte bërë tender, Kryemadhi listoi artikujt në shportën e bashkisë.

Ajo tha se vetë kishte shkuar në supermarkete dhe kishte blerë të njëjtat artikuj.

Kryemadhi shtoi se kishte konstatuar se, çmimet me shumicë të llogaritura nga bashkia, ishin disa herë më të larta se ato me pakicë me të cilat ajo kishte blerë të njëjtat artikuj në supermarkete.

Duke bërë disa llogari aritmetike aty për aty, Kryemadhi u shpreh: “ka vjedhur 161 mijë euro fukarenjtë”.

“Ke një vendim këtu, e ke vendim prokurim të drejtëpërdrejtë nga Bashkia e Tiranës për 11 mijë pako ushqimore për pagën e luftës. Bashkia e Tiranës ka tenderuar me prokurim të drejtëpërdrejtë te miqësia e tij, 600 e disa milionë lekë për të blerë 11 mijë pako. 62 milionë e 491 mijë lekë, që i bie pa TVSH për 11 mijë pako, diku te 56 mijë lekë, me gjithë TVSH i bie te 60 e disa mijë lekë për pako. Çfarë kanë në pako? Këtë bëni ju, mos u merrni me sistemin. Makarona, 4kg. Oriz, 5kg. Vaj, 2l. Sheqer, 2kg. Kripë, 1kg. Salcë, 2kg. Fasule, 4kg. Miell, 25kg. Detergjentë, 5kg. Sapun duarsh, 5 copë. 11 mijë pako. Unë sot, kam shkuar dhe kam blerë në supermarket, në mes të Tiranës, me pakicë, pakon që Z. Veliaj u ka shpërndarë 11 mijë fukarenjve. Unë kam blerë të njëjtat gjëra për 27 mijë lekë, me TVSH dhe me pakicë. Kam marrë edhe 4 kile fasule sepse janë dy supermarket të ndryshme… Pra, ky zotëria me shumicë ka blerë 44 ton oriz. Ky, sikur ti blinte me pakicë, ka vjedhur për çdo pakë, 15 euro. 15 euro herë 11 mijë, janë 161 mijë euro që i ka vjedhur fukarenjtë në një sekond”, tha Kryemadhi.

LEXO EDHE  Diell dhe shumë vapë/ Ja sa shkojnë temperaturat javën e ardhshme (Foto)