Nënkryetarja e Kuvendit, Vasilika Hysi, i ka tërhequr vëmendjen gjatë seancës së sotme deputetit Kostaq Papa, për përdorim për përdorimin e telefonit celular.
Hysi i bëri thirrje Papës që të kishte kujdes, ndërsa i tha se mund të dilte jashtë, nëse donte të fliste në telefon.
“Kostaq Papa kujdes me telefonin, deri këtu u dëgjua biseda. Nëse doni të flisni në telefon, dilni jashtë”, tha Hysi.
Në fillim të seancës plenare, Papa kërkoi që deputetët e opozitës së re të kishin më shumë kohë se sa ishte caktuar për të folur.
“Të lirohet çik fjala e lirë e opozitës. Këtu në sallë janë një grup xhentëlmenësh që përpiqen të përcjellin mesazhe politike, të qytetarëve. Gjeni mënyrën që të përcjellim mesazhet tona për qytetarët. Janë mesazhe në përmbyllje të fazave të pandemisë, por që i shërbejnë përbashkimit”, tha Papa.
