Sistemi zgjedhor dhe qeveria tranzitore nuk do të jenë pjesë e ndryshimit të kodit zgjedhor. Ato do të diskutohen në një kohë të dytë në nivle politik.
“Ekspertët na thanë që sistemi kërkon ndërhyrje në Kushtetutën e Shqipërisë. Në marrëveshje kemi shkruar që kur kërkohet ndryshime kushtetuese do të lihet në fazën e dytë. Por nëse ka konsensus edhe ne do të shprehim opinonin tonë. Por ne flaism të fundit dhe do ta trajtojmë më vonë”, tha Damian Gjiknuri përfaqësuesi i shumicës socialiste në këshillin politik.
Për qeverinë tranzitore, Gjiknuri tha se ajo do të diskutohet në nivel politik dhe jo në këshillin politik. I pyetur për vendosjen e një drejtori konsensual të policisë gjatë zgjedhjeve, kërkesë e opozitës, Gjiknuri tha se:
“Tani këto janë bizantenisma. Policia është organ karriere. Nuk njihet modeli të vëmë një drejtor për zgjedhje. Policia nuk është organ i përkohshëm për zgjedhje. Policia është organ kushtetues. Ka misione, standarte, dhe këto standarte nuk i shkelim. Në 2017 e kishin ministrin e brendshëm. Po nesër çfarë do thonë që nuk funksionojë as kjo”.
Për depolitizimin e adminsitratës, Gjiknuri tha se socialistët do të këmbëngulin pavarësisht kundërshtisë së opozitës.
Për përdorimin e elektronikës në zgjedhje, ai tha se këshilli ka rënë dakord për monitorimin e qendrave të votimit me kamera, identifikimin elektronik të zgjedhësve dhe votimin dhe numërimi elektronik në disa zona të vendit.
“Nuk mund të varet gjithçka nga elektronika. Hapja e materialeve zgjedhore me kërkesë të opozitës, dhe shumë garamci të tjera që asnjë opozitë nuk i ka pasur më parë”, tha për gazetarët Gjiknuri.
