Vrau babain e dhunshëm, gjykata liron 20-vjeçaren

Një gjykatë në Tivoli të Italisë rrëzoi të gjitha akuzat për vrasje ndaj 20 vjeçare Deborah Sciacquatori, e cila një vit më parë vrau me thikë babanë e saj dhunues, pas një sherri në familje.

Për gjykatësin italian, sjellja e vajzës ishte brenda asaj që quhet vetëmbrojtje, përballë një babai të dhunshëm dhe të alkoolizuar, i cili në mënyrë permanente ushtronte dhunë ndaj të gjitha figurave femërore të familjes së tij.

Një vit më parë Lorenzo Sciacquatori u kthye sërish i dehur në shtëpia dhe kishte vënë në shënjestër të dhunës, gruan, nënën dhe vajzën e tij. Pas një zënke të dhunshme, sipas gjykatësit, vajza u gjend përballë një rreziku të mundshëm për jetën e saj nga i ati, i cili kishte qenë boksier.

LEXO EDHE  VIDEO EPIKE/ Merr flakë restoranti, dy dasmorët hanë pa e prishur terezinë

Sipas hetimeve, vajza kishte marrë thikën nga frika në dorë dhe vetëm pas sulmit ndaj saj ishte detyruar që ta përdorte. Një goditje që rezultoi fatale për babanë.