Një 22-vjeçar mbeti i plagosur mbrëmjen e djeshme në qytetin e Vlorës.
Ngjarja ka ndodhur pranë zonës së quajtur Aleksandria.
Mësohet se 22-vjeçari është qëlluar me thikë në gjymtyrë, dhe për shkak të plagëve të marra është dërguar me urgjencë në spitalin e Vlorës.
Dyshimet e para janë se ai është qëlluar nga e dashura e tij 20-vjeçare me origjinë nga Berati pas një konflikti të çastit.
Mësohet se 20-vjeçarja kishte ardhur me taksi nga Berati dhe ishte takuar me 22-vjeçarin në një lokal tek zona e Aleksandrisë.
Pasi kanë dalë nga lokali për të sqaruar keqkuptimet ndërmjet tyre, ajo e ka goditur të riun me thikë në këmbë.
Mësohet se 22-vjeçari është jashtë rrezikut për jetën.
