Policia italiane ka ndërmarrë një operacion të gjerë anti-drogë duke arrestuar 9 persona, pesë prej tyre janë lënë në “arrest me burg” dhe katër të tjerë në “arrest shtëpie”. Të arrestuarit banonin në provincat e Brindisi, Leçe dhe Bolonjas.
Mediat italiane raportojnë se arrestimi i 9 personave u bë si rezultat i operacionit të koduar “Eva”. Në vijim të operacionit u arrestuan edhe 15 persona, si dhe 24 të tjerë u shpallën në kërkim si anëtarë të dyshuar të organizatës.
Si rezultat i operacionit u sekuestruan sasi të mëdha droge konkretisht: 3.750 kilogramë marihuanë, 50 kg hashash, mbi një kilogram kokainë dhe një kilogram heroinë, nëntë automjete, gjashtë anije dhe tre makina.
Organizata kriminale e kishte bazën në Brindizi, ndërsa vepronte në trafikimin e marijuanës nga zona e Ballkanit.
Hetimet nga policia italiane kanë nisur nga policia e Brindisi në vitin 2017, të cilat kanë bërë të mundur rindërtimin e gjithë zinxhirit të trafikut të paligjshëm: nga furnizimi në organizatat kriminale Ballkanike deri në pritjen e dërgesave narkotike përgjatë brigjeve të Apulian, që më pas të dërgoheshin tek blerësit në të gjithë vendin.
Policia italiane njofton se operacioni u krye në bashkëpunim midis komandave territoriale dhe departamentit të operacioneve ajrore dhe detare Bari, si dhe falë bashkëpunimit me autoritetet e policisë shqiptare, përmes njësisë kufitare detare të Guardia di Finanza të vendosur në Durrës.
