Meshkujt që kanë gishta më të gjatë kanë një rrezik më të ulët të vdekjes nga Covid-19 dhe ka të ngjarë që të vuajnë simptoma më të buta, kanë zbuluar studiuesit.
Shkencëtarët zbuluan se numri i vdekjeve të burrave me gishta të shkurtër ka qenë më i lartë.
Gjatësia e gishtit të unazës përcaktohet nga sasia e testosteronit që kanë meshkujt. Sa më shumë testosterone të kenë, aq më i gjatë do të jetë gishti i tyre i unazës.
Testosteroni mendohet se është mbrojtës ndaj Covid-19 duke rritur numrin e receptorëve ACE-2 në trup.
Shkencëtarët besojnë se koronavirusi, i quajtur zyrtarisht SARS-CoV-2, hyn në trup dhe shkakton infeksion përmes këtyre receptorëve.
Por studimet kanë sugjeruar gjithashtu që nivele të larta të testosteronit mund të luftojnë dëmtimin e mushkërive, që do të thotë se njerëzit me pak receptorë janë në rrezik më të lartë të infeksioneve virale.
Studimi i ri, i kryer nga Universiteti Swansea, zbuloi se burrat me nivele të ulëta të testosteronit kanë dy herë më shumë të ngjarë të vdesin nga Covid-19 sesa burrat me nivele më të larta.
Niveli i testosteronit mund të jetë një nga arsyet kryesore pse po vdesin kaq shumë burra, thonë mjekët.
