Sot në orën 11:00 pritet të mblidhet Këshillit Politik, ku do të diskutohet mbi reformën zgjedhore.
Mbledhja e fundit e Këshillit Politik nuk u zhvillua pasi opozita e bashkuar nuk mori pjesë duke protestuar në këtë formë ndaj shembjes së godinës së Teatrit Kombëtar.
Damian Gjiknuri, përfaqësuesi i PS, i ka dërguar dy letra opozitës që të rikthehen në tryezë dhe të vendosnin një datë për takimin e radhës.
Në anën tjetër, kreu demokrat Lulzim Basha mblodhi ekspertët e PD-së, nga ku deklaroi se ‘opozita nuk do të braktisë këtë tryezë dhe do të vijojë diskutimet për t’i dhënë shqiptare zgjedhje të lira dhe të largojnë Ramën një orë e më parë’.
Në takimin e sotëm janë shumë pika që pritet të diskutohet mes tyre dhe financimi i partive, votimi elektronik, Kolegji Zgjedhor.
Dy pika mjaft të rëndësishme që ndajnë palët janë kushti i PD-LSI për qeveri tranzitore për organizmin e zgjedhjeve dhe kushti tjetër i Rudina Hajdarit se do të vendos veton nëse nuk ndryshohet sistemit elektoral, për të cilën PD, PS, LSI duket se nuk e kanë pjesë të axhendës së tyre politike.
Gjithsesi Basha është shprehur i hapur për diskutimin e sistemit zgjedhor, ndërsa Aleanca për Mbrojtjen e Teatrit, i ka kërkuar kreut demokrat të paraqesë në tryezë, propozimin për sistem zgjedhor proporcional me lista të hapura.
