Ambasadorja e SHBA, Yuri Kim, u shpreh sot se biseda me kreun demokrat ishte e fokusuar te e ardhmja, dhe jo te e shkuara.
Ajo tha se udhëheqësit shqiptar duhet të plotësojnë pritshmëritë e popullit shqiptar, ashtu sikundër kanë premtuar.
“Reforma zgjedhore duhet të përfundojë Brenda datës 31 maj dhe ky është një afat kohor që nuk e ka vendosur as Ambasada amerikane dhe as ndërkombëtarët”, tha Yuri Kim, pas takimit me kreun demokrat Lulzim Basha.
Ndërkohë, kreu i PD-së, ndërsa falenderoi diplomaten amerikane lidhur me mbështetjen për reformën zgjedhore, shprehu vullnetin dhe gadishmërinë e PD dhe opozitës, për të garantuar zgjedhje të lira dhe të ndershme, ku shqiptarët të zgjedhin Qeverinë dhe Parlamentin që meritojnë me votën e tyre.
“Një nga zotimet kryesore të PD është integrimi Europian dhe kjo rrugë mund të hapet vetëm duke zgjidhur krizën e rëndë politike, e cila zgjidhet vetëm përmes një procesi zgjedhor të lirë dhe të ndershëm”, tha Basha.
