Drejtori Sportiv i Kukësit, Nderim Nexhipi ka folur foli për ecurinë e përgatitjeve të skuadrës verilindore, ndërsa zbuloi detaje edhe në lidhje me kontratat e lojtarëve.
Në një intervistë për Supersport ai ka thënë:
Si po ecin përgatitjet për rifillimin e kampionatit?
Ne po stërvitemi dhe do të jemi gati për rifillimin e kampionatit, ndonëse e kam thënë disa herë që koha për përgatitje është shumë e shkurtër. Të gjithë jemi të angazhuar maksimalisht që të bëjmë më të mirën gjatë kësaj kohe.
E mendoni se mund t’ia dilni të fitoni titullin?
Përderisa ne matematikisht jemi në lojë, duhet të vazhdojmë të punojmë për këtë. Duhet t’i marrim ndeshjet një nga një dhe të ndjekim Tiranën, për të shpresuar se në fund do ia dalim.
Si është situata me kontratat e lojtarëve? Kush pritet të largohet dhe a rrezikon Kukësi të humbë lojtarë pa përfituar asgjë në këmbim?
Shkurtajt i skadon kontrata në fund të sezonit dhe kemi pasur bisedime këto ditë për ta rinovuar atë, por dëshira e lojtarit është të largohet dhe nuk do rinovojmë kontratën. Për lojtarët e tjerë i kemi nën kontroll dhe mund të përfitojmë një shumë të madhe nga ata, siç ishte rasti i Gurit.
Si ia keni dalë të fitoni simpatinë e Gjicit?
Të gjithë e njohim presidentin. Kur mu dha mundësia këtu e pranova këtë sfidë dhe me presidentin kam marrëdhënie shumë të mira. Të gjithë më njohin çfarë tip jam dhe jemi përshtatur shumë mirë me njëri-tjetrin.
