Ish-ministri i Drejtësisë, Ylli Manjani u shpreh ligjet që janë bërë në emër të Reformës në Drejtësi janë të gabuara.
“Ligjet që janë bërë në emër të Reformës në Drejtësi janë të gabuara. Kanë krijuar vakume të jashtëzakonshme, të frikshme. Janë ligje që i ngjajnë rregulloreve dhe janë votuar me 3/5, që ngurtësojnë proceset. Në një ligj me 3/5 shkruhet se kandidati duhet të ketë vizë amerikane ose vërtetimin e gjuhës angleze. Më gjeni një ligj në botë me 3/5 që i shkruan këto pisllëqe. Disa e kanë falsifikuar këtë të gjuhës”, tha Manjani në emisionin “Tempora” në RTV Ora.
“Se kur bëhet ligji nuk bëhet me mendtë në kokë, por bëhet mendtë në b*thë. Çështja është që ato ligje janë të turpshme. Ato ligje nuk përcaktojnë se kush është institucioni përgjegjës për këtë dështim”, shtoi ai.
