Një tjetër pacient, i prekura nga koronavirusi, ka ndërruar jetë në spitalin Infektiv.
Ministria e Shëndetësisë bëri të ditur se pacienti 69-vjeçar humbi jetën në mënyrë të papritur.
“Mëngjesin e sotëm ka ndërruar jetë në mënyrë të papritur, pavarësisht përpjekjeve të mjekëve një pacient 69-vjeçar nga Tirana, me inicialet S.K., i cili po trajtohej në terapi intensive në spitalin infektiv. Ministria e Shëndetësisë i shpreh ngushëllimet familjes së të ndjerit”, thuhet në njoftimin e Ministrisë së Shëndetësisë.
Që nga fillimi epidemisë, 33 qytetarë e kanë humbur betejën me Covid19, nga të cilët 20 janë në Tiranë.
