Një 8-vjeçar kishte dale për shëtitje në fshatin e tij, në Jubë të Durrësit. Një furgon e goditi atë nga pas, duke i shkaktuar vdekjen e menjëhershme.
Policia e Durrësit thotë se nga të dhënat e para, shoferi i furgonit humbi kontrollin. Paraprakisht dyshohet se ai ishte i dehur dhe do i bëhet analiza e gjakut. Fëmija ishte duke shëtitur bashkë me disa shokë të tjerë.
Goditja ishte fatale dhe mjekët nuk kishin se çfarë të bënin. Drejtuesi i furgonit u arrestua menjëherë dhe në lot e ka pranuar fajin.
“Specialistët e Qarkullimit Rrugor në Drejtorinë Vendore të Policisë Durrës, arrestuan në flagrancë shtetasin shtetasin Q.N.,66 vjeç, banues në Sukth.
Ky shtetas më datë 25.05.2020, rreth orës 16:05, në fshatin Jubë, Durrës, duke drejtuar mjetin fugon, ka aksidentuar një fëmijë, shtetasin G.G., 8 vjeç, i cili po lëvizte me biçikletë, e për pasojë fëmija ka ndërruar jetë.
Materialet i kaluan Prokurorisë së Rrethit Gjyqësor Durrës për veprën penale “Shkelja e rregullave të qarkullimit rrugor“, – thotë policia.
LEXO EDHE:
