Aksident fatal në Durrës, humb jetën fëmija

Foto ilustruese

Një aksident me vdekje ka ndodhur në periferi të Durrësit pasditen e sotme, ku një fëmijë ka humbur jetën. Sipas policisë, 8-vjeçari po lëvizte me biçikletë kur është përplasur nga një fugon.

Ndërkohë, drejtuesi i automjetit është arrestuar për veprën penale ‘shkelja e rregullave të qarkullimit rrugor’.

“Specialistët e Qarkullimit Rrugor në Drejtorinë Vendore të Policisë Durrës, arrestuan në flagrancë shtetasin shtetasin Q.N.,66 vjeç, banues në Sukth. Ky shtetas, rreth orës 16:05, në fshatin Jubë, Durrës, duke drejtuar mjetin fugon, ka aksidentuar një fëmijë, shtetasin  G.G., 8 vjeç, i cili po lëvizte me biçikletë, e  për pasojë fëmija  ka ndërruar jetë. Materialet i kaluan Prokurorisë së Rrethit Gjyqësor Durrës për veprën penale ‘Shkelja e rregullave të qarkullimit rrugor”, njoftoi policia.

LEXO EDHE  1.2 mld euro me PPP, Rama prezanton projektin e segmentit Milot-Fier/ Batutat