Policia e Vlorës ka shoqëruar rreth 12 persona lidhur me vrasjen e ndodhur mëngjesin e sotëm në këtë qytet.
Burime policore bëjnë të ditur se të shoqëruarit pritet të japin më shumë detaje mbi krimin, ndonëse kur ka ndodhur ngjarja nuk ka të dhëna nëse ka pasur ose jo dëshmitarë.
Gjithashtu pritet që policia të sekuestrojë disa kamera sigurie në zonë, ndoshta që mund të hedhin dritë mbi ngjarjen e rëndë.
Policia njoftoi se ka gjetur pa shenja jete 25 vjeçarin K.B, ndërsa pas kontrolleve është gjetur i djegur edhe një automjet, që dyshohet se është përdorur nga autorët e krimit.
Sipas policisë, në lagjen “Uji i Ftohtë”, pranë zonës së quajtur “7 pallatet”, në rrethana ende të paqarta është vrarë në rrugë, dyshohet me armë zjarri shtetasi K. B., 25 vjeç.
Forca të shumta të policisë kanë shkuar menjëherë në vendngjarje, janë ngritën pika kontrolli dhe vijon krehja e zonës për kapjen e autorit/ëve.
