Një 29-vjeçar ka mbetur i plagosur me armë zjarri në këmbë, ndërsa policia ka ndaluar autorin e dyshuar.
Ngjarja ka ndodhur rreth orës 01:00 në Kavajë, ndërsa i plagosuri është shtetasi M.Xh 29 vjeç.
Policia bëri të ditur se autori i dyshuar është shtetasi V.H, 27 vjeç, i cili është ndaluar.
Ende nuk dihet mbi shkaqet që çuan në plagosjen e 29-vjeçarit, i cili është transportuar për ndihmë mjekësore.
Njoftimi i plolicisë
Më datë 24.05.2020, rreth orës 01:00, tek ish fabrika e letrës, në Kavajë, për motive ende të paqarta dyshohet se është plagosur me armë zjarri në këmbë, shtetasi M.Xh., 29 vjeç, i cili u dërgua në spitalin e Durrësit.
Si autor i dyshuar i ngjarjes është shtetasi V.H., 27 vjeç, banues në Kavajë, i cili fillimisht është larguar nga vendi i ngjarjes, por pas një ore e gjysem ndjekje dhe kerkimesh është bërë shoqerimi i tij për në ambientet e Komisariatit të Policisë Kavajë.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
