Një plagosje me armë zjarri ndodhi në orët e para të ditës së sotme në Kavajë, ndërsa policia arriti të ndalojë autorin e dyshuar të ngjarjes brenda pak orësh.
Burime policore bëjnë me dije se konflikti mes 29-vjeçarit Marjus Xhafa, që mbeti i plagosur, dhe autorit të dyshuar Viskont Hysi, 27 vjeç, ka nisur për motive të dobëta. Sipas burimeve, shkak për konfliktin dyshohet të jetë një femër.
Më parë u raportua se i plagosuri ka marrë një plumb në këmbë.
Njoftimi i policisë
Më datë 24.05.2020, rreth orës 01:00, tek ish fabrika e letrës, në Kavajë, për motive ende të paqarta dyshohet se është plagosur me armë zjarri në këmbë, shtetasi M.Xh., 29 vjeç, i cili u dërgua në spitalin e Durrësit.
Si autor i dyshuar i ngjarjes është shtetasi V.H., 27 vjeç, banues në Kavajë, i cili fillimisht është larguar nga vendi i ngjarjes, por pas një ore e gjysem ndjekje dhe kerkimesh është bërë shoqerimi i tij për në ambientet e Komisariatit të Policisë Kavajë.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
