Besimtarët myslimanë festojnë sot Fitër Bajramin. Por në dallim nga vitet e mëparshme, besimtarët nuk janë lejuar të falin namazin në sheshin Skënderbej për shkak të masave anti-Covid të shpallur nga Kryeministri Edi Rama, i cili riktheu kufizimet në fundjavë, veçanërisht për Tiranën, që e konsideron zonë të kuqe.
Madje, referuar urdhërit të Ramës edhe xhamitë duhej të ishin të mbyllura, por pas presioneve, Kryeministri është tërhequr.
Gjithsesi fotot e mëposhtme tregojnë se urdhërat e Ramës, që nuk bazohen në të dhëna epidemiologjike, janë shpërfillur masivisht.
Besimtarët janë falur në sheshe, pranë xhamive të lagjeve apo në zona të caktuara, çka tregon se urdhëri i Kryeministrit s´ka pasur asnjë vlerë.
E njëjta gjë ndodhi edhe dje, kur Rama tentoi të mbyllë Tiranën me fasha orare apo duke caktuar se kush duhet të dilte nga shpia dhe kur duhet të dilte.
