Ditën e sotme në Bundesligën gjermane luhen tri takime të cilat do të mbyllin javën e 27-të. Sfida e parë është ajo e orës 13:30 mes Schalke 04 dhe Augsburg.
Miqtë nga Bavaria tashmë rrezikojnë ndjeshëm të fundosen, teksa kanë humbur 8 nga 10 sfidat e fundit në kampionatin gjerman, ndërsa klubi nga Gelsenkirsheni ka grumbulluar vetëm 4 pikë gjithsej në 8 ndeshjet e fundit në Bundesligë, duke dalë për pasojë edhe nga zona europiane.
Sfida që do të pasojë është ajo mes Mainz-t dhe Leipzigut të vendit të pestë në orën 15:30. Ndeshja në fazën e parë midis dy skuadrave është totalisht për tu harruar për Mainz. Leipzigu u shfaq i papërmbajtshëm duke arritur një fitore të thellë 8-0, rezultat i cili i kushtoi vendin e punës trajnerit Sandro Schëarz. Mainz-i rrezikon rënien nga kategoria, ndërsa Leipzig luan për të siguruar një vend për në Ligën e Kampioneve sezonin e ardhshëm.
Ndërkohë takimi i fundit për këtë javë është mes Koln-it dhe Dusseldorfit në orën 18:00. Të dyja ekipet vijnë nga barazimet përkatëse javën e kaluar ndërsa do të kërkojnë fitoren sot ndaj njëra-tjetrës. Koln-i renditet në pozicionin e 11-të në kuotën e 33 pikëve ndërsa miqtë pozicionohen të 16-tët duke rrezikuar rënien një kategori më poshtë.
