I gjithë klubi i Milanit duke përfshirë futbollistët dhe stafin mjekësor i janë nënshtruar testeve për coronavirus. Përgjigjet kanë dalë të gjitha negative duke rritur optimizmin në kampin kuqezi.
Kështu Milani mund të nisë stërvitjen në grupe duke filluar nga dita e nesërme. Një lajm i mirë për “Djallin”, që tashmë mund t’i zhvillojë përgatitjet me organikë të plotë dhe në kushte normale.
Deri në ditën e sotme, Milanellos i janë bashkuar edhe Stanga, Torrasi, Olzer, Tonin dhe Colombo, pesë emra nga skuadra e të rinjve, të cilët gjithashtu kanë rezultuar negativë.
